ပြည်ထောင်စုဝန်ကြီးဦးခင်ရီမိုင်းလားမြို့၌ ဒေသခံတိုင်းရင်းသားခေါင်းဆောင်များအားတွေ့ဆုံ၍ သန်းခေါင်စာရင်းဆိုင်ရာသိကောင်းစရာများအားဆွေးနွေး

Write By: admin Published In: About Census Created Date: 2015-03-09 Hits: 3932 Comment: 0

ပြည်ထောင်စုဝန်ကြီးဦးခင်ရီမိုင်းလားမြို့၌ ဒေသခံတိုင်းရင်းသားခေါင်းဆောင်များအားတွေ့ဆုံ၍ သန်းခေါင်စာရင်းဆိုင်ရာသိကောင်းစရာများအားဆွေးနွေး၊ ဒေသခံရပ်မိရပ်ဖများအားသန်းခေါင်စာရင်းကောက်ယူရေးလုပ်ငန်းစဉ်များရှင်းလင်းပြောကြား

ပြည်ထောင်စုဝန်ကြီးဦးခင်ရီမိုင်းလားမြို့၌ ဒေသခံတိုင်းရင်းသားခေါင်းဆောင်များအားတွေ့ဆုံ၍ သန်းခေါင်စာရင်းဆိုင်ရာသိကောင်းစရာများအားဆွေးနွေး၊ ဒေသခံရပ်မိရပ်ဖများအားသန်းခေါင်စာရင်းကောက်ယူရေးလုပ်ငန်းစဉ်များရှင်းလင်းပြောကြား
နေပြည်တော်၊ နိုဝင်ဘာ ၃၀။

ဗဟိုသန်းခေါင်စာရင်းကော်မရှင်ဥက္ကဌ၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီးဦးခင်ရီသည် ရှမ်းပြည်နယ်အစိုးရအဖွဲ့လုံခြုံရေးနှင့် နယ်စပ်ရေးရာဝန်ကြီးဌာနဝန်ကြီးဗိုလ်မှူးကြီးအောင်သူ၊ ကုလသမဂ္ဂလူဦးရေရန်ပုံငွေအဖွဲ့ (UNFPA) မှ ဌာနေကိုယ်စားလှယ် Ms.JanetE.Jackson နှင့် တာဝန်ရှိသူများနှင့်အတူ နိုဝင်ဘာလ ၂၄ ရက် နံနက် ၁၁ နာရီမိနစ် ၅၀ တွင် ရှမ်းပြည်နယ်(အရှေ့ပိုင်း) မိုင်းလားမြို့၊ ရွှေဟင်္သာခန်းမ၌ ရှမ်းပြည်နယ်(အရှေ့ပိုင်း)၊ အထူးဒေသ (၄)၊ မိုင်းလားဒေသတိုင်းရင်းသားခေါင်းဆောင် ဦးစိုင်းလင်းနှင့်အဖွဲ့ဝင်များအားတွေ့ဆုံ၍ သန်းခေါင်စာရင်းဆိုင်ရာသိကောင်းစရာများအားရှင်းလင်းဆွေးနွေးသည်။
ရှေးဦးစွာဗဟိုသန်းခေါင်စာရင်းကော်မရှင်ဥက္ကဌ ပြည်ထောင်စုဝန်ကြီးဦးခင်ရီက ၂၀၁၄ ခုနှစ် လူဦးရေနှင့်အိမ်အကြောင်းအရာသန်းခေါင်စာရင်းကောက်ယူရေးလုပ်ငန်းဆောင်ရွက်နေမှု အခြေအနေများ၊ ယခုနှစ် မတ်လအတွင်းကစမ်းသပ်သန်းခေါင်စာရင်းကောက်ယူခဲ့မှုနှင့် ယင်းကောက်ယူမှုအပေါ် သုံးသပ်ချက်များ၊ သန်းခေါင်စာရင်း၏ အရေးပါပုံနှင့် ရရှိနိုင်မည့် အကျိုးကျေးဇူးများ၊ ပြည်လုံးကျွတ်အဆင့် ကောက်ယူဆောင်ရွက်မည့်အခြေအနေနှင့် မိုင်းလားဒေသအတွင်းကောက်ယူမည့်အစီအစဉ်များ၊ စာရင်းစစ်၊ စာရင်းကောက်များနှင့် တွဲဖက်၍ ဒေသခံဘာသာစကားတတ်ကျွမ်းသူများပါဝင်ကူညီဆောင်ရွက်ပေးရန် လိုအပ်ချက်များ၊ မေးမြန်းမှုများအပေါ် ပြည်သူများမှန်မှန်ကန်ကန် ဖြေကြားပေးရန်နှင့် ပူးပေါင်းကူညီဆောင်ရွက်ပေးရန် ရှင်းလင်းချပြစေလိုသည့် အချက်များကိုအကျယ်တဝင့် ရှင်းလင်းပြောကြားသည်။
ထို့နောက် ဒေသခံတိုင်းရင်းသားခေါင်းဆောင် ဦးစိုင်းလင်းနှင့် တာဝန်ရှိသူများကမရှင်းလင်းသည့်အချက်များ၊ သိရှိလိုသည်များနှင့် ပံ့ပိုးကူညီဆောင်ရွက်ပေးမည့် အစီအစဉ်များကိုအသီးသီးရှင်းလင်းဆွေးနွေးတင်ပြကြပြီး (UNFPA) မှ ဌာနေကိုယ်စားလှယ် Ms.JanetE.Jackson က မြန်မာနိုင်ငံ၏ ပြည်လုံးကျွတ်သန်းခေါင်စာရင်းကောက်ယူရေးလုပ်ငန်းစဉ်အပေါ် ကုလသမဂ္ဂနှင့် နိုင်ငံတကာပူးပေါင်းဆောင်ရွက်မှု အခြေအနေများကိုရှင်းလင်းပြောကြားသည်။
ယင်းနောက် ပြည်ထောင်စုဝန်ကြီးကတင်ပြချက်များအပေါ် လိုအပ်သည်များညှိနှိုင်းဆောင်ရွက်ပေးပြီးဆွေးနွေးပွဲကိုရုပ်သ်ိမ်းလိုက်သည်။
မွန်းလွဲ ၁ နာရီခွဲတွင် မိုင်းလားမြို့၊ မင်္ဂလာခန်းမ၌ မိုင်းလာဒေသအတွင်းရှိတိုင်းရင်းသားခေါင်းဆောင်များ၊ မိုင်းလား၊ စီလူး၊ နမ့်ပန်မြို့နယ်များရှိ မြို့နယ်၊ ရပ်ကွက်၊ ကျေးရွာအုပ်ချုပ်ရေးမှူးများ၊ သန်းခေါင်စာရင်းကော်မတီဝင်များ၊ ရပ်မိရပ်ဖများအား ပြည်လုံးကျွတ်သန်းခေါင်စာရင်းကောက်ယူရေးဆိုင်ရာရှင်းလင်းဆွေးနွေးပွဲကိုကျင်းပရာရှေးဦးစွာဒေသခံတိုင်းရင်းသားခေါင်းဆောင် ဦးစိုင်းလင်းကသန်းခေါင်စာရင်းကောက်ယူခြင်းဆိုင်ရာရှင်းလင်းဆွေးနွေးပွဲကျင်းပရခြင်းနှင့် စပ်လျဉ်း၍ တက်ရောက်လာကြသူများအားရှင်းလင်းပြောကြားသည်။
ထို့နောက် ဗဟိုသန်းခေါင်စာရင်းကော်မရှင်ဥက္ကဌ ပြည်ထောင်စုဝန်ကြီးဦးခင်ရီက မြန်မာနိုင်ငံတွင် ပြည်လုံးကျွတ်အဆင့် သန်းခေါင်စာရင်းကောက်ယူခဲ့မှုနှင့် နောက်ဆုံးကောက်ယူခဲ့မှု အခြေအနေ၊ အကြောင်းအမျိုးမျိုးကြောင့် နှစ်ပေါင်း (၃၀) ကြာဆောင်ရွက်နိုင်ခဲ့ခြင်းမရှိရာမှ ၂၀၁၄ ခုနှစ် မတ် လ တွင် ပြည်လုံးကျွတ်အဆင့်ကောက်ယူနိုင်ရေးစီစဉ်ဆောင်ရွက်မှု၊ သန်းခေါင်စာရင်းကောက်ယူရန် မဖြစ်မနေလိုအပ်ပုံနှင့် ရရှိနိုင်မည့် အကျိုးကျေးဇူးများ၊ သန်းခေါင်စာရင်းကောက်ယူရေးလုပ်ငန်းတွင် ကုလသမဂ္ဂနှင့် နိုင်ငံတကာအဖွဲ့အစည်းများနီးကပ်စွာပူးပေါင်းဆောင်ရွက်နေမှုအခြေအနေများ၊ မေးမြန်းမည့် သန်းခေါင်စာရင်းဆိုင်ရာမေးခွန်းများ၊ သန်းခေါင်စာရင်းဥပဒေထုတ်ပြန်ပြဌာန်းမှုနှင့် ပြည်သူများ၏ ဖြေကြားချက်များအပေါ် ယင်းဥပဒေဖြင့် အကာအကွယ်ပေးထားမှု၊ ပြည်သူများကမှန်မှန်ကန်ကန် ဖြေကြားနိုင်ရေးနှင့် ပူးပေါင်းပါဝင်ကူညီဆောင်ရွက်နိုင်ရေးအခြေအနေများကိုအသေးစိတ်ရှင်းလင်းပြောကြားသည်။
ထို့နောက် တက်ရောက်လာကြသူများကမရှင်းလင်းသည့်အချက်များ၊ သိရှိလိုသည်များကိုမေးမြန်းဆွေးနွေးကြရာ ပြည်ထောင်စုဝန်ကြီးနှင့် တာဝန်ရှိသူများက ပြန်လည်ရှင်းလင်းပြောကြားပြီးအခမ်းအနားကိုရုပ်သိမ်းလိုက်ပြီးနောက် ပြည်ထောင်စုဝန်ကြီးသည် တက်ရောက်လာကြသူများအားရင်းရင်းနှီးနှီး နှုတ်ဆက်ခဲ့ကြောင်းသတင်းရရှိသည်။

Leave A Comment

Captcha