၂၀၁၄ ခုနှစ် လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူခြင်းလုပ်ငန်း၏ နိုင်ငံတကာ နည်းပညာအကြံပေးအဖွဲ့ (ITAB) (၆)ကြိမ်မြောက်အစည်းအဝေးကို အောက်တိုဘာ ၂၂ ရက် နံနက် ၉ နာရီခွဲကနေပြည်တော်ရှိ သင်္ဂဟဟိုတယ်၌ ကျင်းပသည်။အခမ်းအနား တွင် ဒုတိယဝန်ကြီး ဦးဝင်းမြင့်က ယခုအခါ သန်းခေါင်စာရင်းဆိုင်ရာ အချက်အလက်များကို အချက်အလက်အသုံးပြုသူများအတွက် အချက်အလက်များဖြန့်ဝေခြင်းနှင့် အသိပညာပေးခြင်း အလုပ်ရုံဆွေးနွေးပွဲများကို တိုင်းဒေသကြီး၊ ပြည်နယ်၊ ခရိုင်အလိုက် ကျင်းပဆောင်ရွက်လျက်ရှိကြောင်း၊ ယင်းအလုပ်ရုံဆွေးနွေးပွဲများတွင်UNFPAနှင့် အခြားအဖွဲ့အစည်းများ ပူးပေါင်းဆောင်ရွက်၍ အသိပညာနှင့်အတွေ့အကြုံများကိုဖြန့်ဝေပေးနိုင်မည်ဖြစ်ကြောင်း၊ ယင်းနောက် သန်းခေါင်စာရင်း ၏ အချက်အလက်ဆိုင်ရာနယ်ပယ်အချို့အား လေ့လာဆန်းစစ်ချက်များ ဆက်လက်ဆောင်ရွက်ခြင်းနှင့် အစီရင်ခံစာများသတ်မှတ်ခြင်းတို့ ဆောင်ရွက်သွားမည်ဖြစ်ကြောင်း၊ ယင်းကိစ္စရပ်များဆောင်ရွက်ရာတွင ITAB ၏ နိုင်ငံတကာအတွေ့အကြုံများဖြင့် ရင်းနှီးပွင့်လင်းစွာ သုံးသပ်အကြံပြုဆွေးနွေးပေးကြရန် တိုက်တွန်းကြောင်းဖြင့် ရှင်းလင်းပြောကြားသည်။
ထို့နောက်UNFPA ဌာနေကိုယ်စားလှယ် Ms. Janet E. Jacksonက ၂၀၁၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်းကောက်ယူခြင်းလုပ်ငန်းများနှင့် UNFPA မှ ပံ့ပိုးကူညီဆောင်ရွက်မှုအခြေအနေများကိုလည်းကောင်း၊ ITAB ဒုတိယဥက္ကဋ္ဌ Dr. WernerHaug က နိုင်ငံတကာနည်းပညာဆိုင်ရာ အကြံပေးအဖွဲ့၏ သုံးသပ်အကြံပြုချက်များကိုလည်းကောင်း ရှင်းလင်းပြောကြားကြသည်။ယင်းနောက် နိုင်ငံတကာနည်းပညာအကြံပေးအဖွဲ့ဝင်များနှင့် အလှူရှင်နိုင်ငံများမှ ကိုယ်စားလှယ်များက သန်းခေါင်စာရင်းကောက်ယူခြင်းဆိုင်ရာ
အချက်အလက်များနှင့်စပ်လျဉ်း၍ အကြံပြုဆွေးနွေး တင်ပြကြကြောင်းနှင့်အစည်းအဝေးကို အောက်တိုဘာ ၂၃ ရက်တွင် နိုင်ငံတကာနည်းပညာအကြံပေးအဖွဲ့ဝင်များ၊ အလှူရှင်နိုင်ငံများမှကိုယ်စားလှယ်များ၊ ပြည်တွင်းမှ သန်းခေါင်စာရင်းဆိုင်ရာ အကြံပေးအဖွဲ့ဝင်များဖြင့် ဆက်လက်ကျင်းပသွားမည်ဖြစ်ကြောင်း သတင်းရရှိသည်။
၂၀၁၄ ခုနှစ် လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူခြင်းလုပ်ငန်း၏ နိုင်ငံတကာ နည်းပညာအကြံပေးအဖွဲ့ (ITAB) (၆)ကြိမ်မြောက်အစည်းအဝေးကို အောက်တိုဘာ ၂၂ ရက် နံနက် ၉ နာရီခွဲကနေပြည်တော်ရှိ သင်္ဂဟဟိုတယ်၌ ကျင်းပသည်။အခမ်းအနား တွင် ဒုတိယဝန်ကြီး ဦးဝင်းမြင့်က ယခုအခါ သန်းခေါင်စာရင်းဆိုင်ရာ အချက်အလက်များကို အချက်အလက်အသုံးပြုသူများအတွက် အချက်အလက်များဖြန့်ဝေခြင်းနှင့် အသိပညာပေးခြင်း အလုပ်ရုံဆွေးနွေးပွဲများကို တိုင်းဒေသကြီး၊ ပြည်နယ်၊ ခရိုင်အလိုက် ကျင်းပဆောင်ရွက်လျက်ရှိကြောင်း၊ ယင်းအလုပ်ရုံဆွေးနွေးပွဲများတွင်UNFPAနှင့် အခြားအဖွဲ့အစည်းများ ပူးပေါင်းဆောင်ရွက်၍ အသိပညာနှင့်အတွေ့အကြုံများကိုဖြန့်ဝေပေးနိုင်မည်ဖြစ်ကြောင်း၊ ယင်းနောက် သန်းခေါင်စာရင်း ၏ အချက်အလက်ဆိုင်ရာနယ်ပယ်အချို့အား လေ့လာဆန်းစစ်ချက်များ ဆက်လက်ဆောင်ရွက်ခြင်းနှင့် အစီရင်ခံစာများသတ်မှတ်ခြင်းတို့ ဆောင်ရွက်သွားမည်ဖြစ်ကြောင်း၊ ယင်းကိစ္စရပ်များဆောင်ရွက်ရာတွင ITAB ၏ နိုင်ငံတကာအတွေ့အကြုံများဖြင့် ရင်းနှီးပွင့်လင်းစွာ သုံးသပ်အကြံပြုဆွေးနွေးပေးကြရန် တိုက်တွန်းကြောင်းဖြင့် ရှင်းလင်းပြောကြားသည်။
ထို့နောက်UNFPA ဌာနေကိုယ်စားလှယ် Ms. Janet E. Jacksonက ၂၀၁၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်းကောက်ယူခြင်းလုပ်ငန်းများနှင့် UNFPA မှ ပံ့ပိုးကူညီဆောင်ရွက်မှုအခြေအနေများကိုလည်းကောင်း၊ ITAB ဒုတိယဥက္ကဋ္ဌ Dr. WernerHaug က နိုင်ငံတကာနည်းပညာဆိုင်ရာ အကြံပေးအဖွဲ့၏ သုံးသပ်အကြံပြုချက်များကိုလည်းကောင်း ရှင်းလင်းပြောကြားကြသည်။ယင်းနောက် နိုင်ငံတကာနည်းပညာအကြံပေးအဖွဲ့ဝင်များနှင့် အလှူရှင်နိုင်ငံများမှ ကိုယ်စားလှယ်များက သန်းခေါင်စာရင်းကောက်ယူခြင်းဆိုင်ရာ
အချက်အလက်များနှင့်စပ်လျဉ်း၍ အကြံပြုဆွေးနွေး တင်ပြကြကြောင်းနှင့်အစည်းအဝေးကို အောက်တိုဘာ ၂၃ ရက်တွင် နိုင်ငံတကာနည်းပညာအကြံပေးအဖွဲ့ဝင်များ၊ အလှူရှင်နိုင်ငံများမှကိုယ်စားလှယ်များ၊ ပြည်တွင်းမှ သန်းခေါင်စာရင်းဆိုင်ရာ အကြံပေးအဖွဲ့ဝင်များဖြင့် ဆက်လက်ကျင်းပသွားမည်ဖြစ်ကြောင်း သတင်းရရှိသည်။
